Hamdi Salihi, Andi Lila, Liridon Latifi dhe së fundmi Tefik Osmani. Këta janë disa nga futbollistët shqiptarë të cilët i ka marrë në dorë fizeo-terapeutja serbe Marijana, përcjellë Arbresh.info.

Ajo njihet për ‘magjitë’ e saj dhe shërimin para kohe të futbollistëve me medoatat e saj. Madje edhe yje botëror si Radamel Falcao e vizituan klinikën e saj.

Së fundmi ishte Osmani në duart e saj. “Në ndeshjen e fundit ndaj Luftëtarit, Tefik Osmani pësoi një tërheqje që e detyroi të linte fushën e lojës pa u mbyllur pjesa e parë. Pas konsultës me stafin mjekësor, ditën e djeshme Osmani ka udhëtuar drejt Beogradit, ku po riaftësohet te klinika e doktoreshës Marijana, tek e njëjta klinikë ku më parë janë trajtuar Hamdi Salihi dhe Liridon Latifi. Osmani pritet të jetë gati për trajnerin Daja para ndeshjes me Vllazninë”, shkruhet në njoftimin e klubit të Skënderbeut. /Arbresh.info